Ике авыл җирлегенә яңа машиналар тапшырылган

Конкурс нәтиҗәләре буенча җиңүчеләр билгеләнгән һәм аларга яңа «Лада-Нива-Тревел» автомобильләре тапшырылган. Бу хакта «ТР Муниципаль берәмлекләр советы» ассоциациясенең 18 нче съездында игълан ителгән, анда район башлыгы Вячеслав Козлов җитәкчелегендәге район делегациясе дә катнашкан.

Яңа автомашиналар ачкычларын Акъяр һәм Петропавел авыл җирлекләре башлыклары — Данияр Гайнуллин һәм Дмитрий Никитиннар алган. Аларны конкурста җиңүләре белән котлыйбыз һәм яңа автомобильләрнең аларга торак пунктлардагы мөһим мәсьәләләрне тиз арада хәл итәргә ярдәм итүен телибез.