Ике җирлек башлыгы яңа машиналар алган

Конкурс нәтиҗәләре буенча җиңүчеләр билгеләнгән һәм алар яңа «Лада-Нива-Тревел» автомобильләре алганнар. Ачкычларны тапшыру «ТР Муниципаль берәмлекләр советы» Ассоциациясенең 17 нче съезды башланыр алдыннан булган.

Съездда район башлыгы Вячеслав Козлов җитәкчелегендә Яңа Чишмә районы делегациясе дә катнашкан.

Шахмай һәм Зирекле авыл җирлекләре башлыклары Ильяс Гаризов һәм Җәлил Гайфетдинов яңа машина ачкычлары алганнар. Аларны конкурста җиңүләре белән котлыйбыз һәм яңа автомобильләрнең үзләренә йөкләнгән бурычларны тиз арада хәл итәргә ярдәм итүен телибез.