Икенче һәм өченче урыннар — бу да җиңү!

9 сентябрьдә Казан шәһәренең Кабан күле буенда «Алтын мирас» декоратив-кулланма иҗат фестивале узган. 

Фестиваль ике этапта үткәрелгән: 

1 этап — читтән торып сайлап алу туры.

2 этап — фестиваль финалы.

Фестивальнең максаты — милли декоратив-кулланма сәнгатьне саклау һәм яшьләр арасында милләтара һәм конфессияара татулык дәрәҗәсен күтәрү өчен заманча иҗатның яңа формаларын кертү.

«Финалда урта һәм өлкән төркемнең түгәрәге, „Аҗаган“ яшүсмерләр клубының (Зирекле авылы) „Кул эшләре“ түгәрәгендә шөгыльләнүчеләрнең эшләре тәкъдим ителде.
Балаларның эшләре 2 һәм 3 урыннарны яулады. Фестивальдә җиңүчеләр арасында булу безнең өчен зур шатлык», — ди түгәрәк җитәкчесе Гөлнур Вәлиева.