Интернат-йортта яшәүчеләр музейда булганнар

Халыкара музейлар көне бөтен дөньяда 1977 елдан бирле билгеләп үтелә, ел саен 18 майда музейлар теләгән һәркем өчен үз ишекләрен ача, бу көнне күргәзмә залларын һәм яңа экспонатларны бушлай карарга була.

Интернат-йортта яшәүчеләргә төрле экспозицияләрне күрсәтеп, музей буйлап бик кызыклы экскурсия үткәрелгән, ул безнең ата-бабаларыбызның көнкүрешен күрергә, музейның аерым экспонатлары турында файдалы нәрсәләр белергә ярдәм иткән. Аеруча музей кунакларын «СССРдан калган» күргәзмәсе кызыксындырган, алар совет чорын искә алганнар. 1941-1945 еллардагы Бөек Ватан сугышына, Әфган сугышына һәм махсус хәрби операциягә багышланган хәрби дан залына аерым игътибар бирелгән.