Кайда яхшырак: шәһәрдәме, әллә авылдамы?

«Соңгы вакытта авылларда яшәүчеләр саны нык кими. Яшьләр авылда калмый, шәһәргә китә. Моның ни өчен шулай булуын өлкән сыйныф укучылары «Авыл һәм шәһәр яшьләренең проблемалары» дигән әңгәмәдә ачыкларга тырыштылар», - дип хәбәр итте редакциягә АМЙ мөдире Рәмзия Мусина. - Очрашуга Риназ Абдуллин чакырылган иде. Техникумны тәмамлагач, ул авылда яшәргә кала. Инженер булып эшли. Авыл мәдәният йортындагы үзешчән сәнгатьтә дә актив катнаша. Өлкән сыйныф укучылары проблемаларны карап, яшьләрне шәһәргә күчеп китәргә мәҗбүр иткән авыл җирлегендәге тормышның кайбер тискәре якларын санап үттеләр. Әмма шунысы куанычлы, очрашуда катнашкан яшьләрнең күбесе, укудан соң, эш булса, авылда калырга теләүләрен әйттеләр,- ди Р.Мусина.