Казанда үткән бәйрәм чарасында Яңа Чишмә районының күп балалы гаиләләре катнашкан
Балалар өчен бәйрәм «Ел хәйриячесе» республика конкурсы кысаларында оештырылган.
Балаларны яклау көнендә, 2021 елның 1 июнендә, өч күп балалы гаилә Казан дәүләт циркында оештырылган бәйрәм тамашасында булган. Һәр гаиләгә 5 мең сумлык сертификат тапшырылган.
Мондый бүләкне балалар «Ел хәйриячесе» республика конкурсына йомгак ясау кысаларында алганнар.
Чарага Яңа Чишмә муниципаль районының Чуаш Чабаксары авылыннан Охотниковлар, Яңа Чишмәдән Темниковлар һәм Петропавел Бистәсеннән Арсеньевлар гаиләләре чакырылган.
Балаларның әти-әниләре тарафыннан республика һәм район җитәкчелегенә зур рәхмәт белдерелгән.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев