Коронавирустан вакцинаны 6 меңнән артык яңачишмәле ясаткан

Алар арасында 60 яшьтән өлкәнрәк 1600 кеше, 144 медицина хезмәткәре, 400гә якын мәгариф учреждениесе хезмәткәре, 250 социаль хезмәт күрсәтү хезмәткәрләре һ. б. Соңгы көннәрдә яңачишмәлеләр вакцинаны аеруча актив ясата башлаган. Чират исемлегенә 50дән артык кеше язылган, районда вакцина бар. Бәхеткә, инде өч ай рәттән безнең районда коронавирус белән авыручылар теркәлми, ләкин пневмония һәм ОРВИ белән авыручылар санының берникадәр артуы күзәтелә. Атна эчендә хастаханәдән тыш пневмониянең 9 очрагы һәм ОРВИның 24 очрагы теркәлгән. Татарстан буенча көн саен 48-52 инфекция белән зарарлану очрагы теркәлә, пандемия башланганнан бирле чирне барлыгы 23,7 меңнән артык кеше йоктырган, шуларның 21 меңе терелгән. Кызганычка каршы, республика буенча бу чирдән 607 кеше үлгән.