Ковид чикләүләре гамәлдән чыгарылды

Мондый карар республикада санитар-эпидемиологик хәл яхшыру сәбәпле кабул ителгән.

Тотрыклы эпидторыш һәм чикләүләр бетүгә карамастан, коронавируска күмәк иммунитетны ныгытуны дәвам итәргә, вакцинация һәм ревакцинация эшләрен активлаштырырга кирәк.

-Яңа Чишмә районы буенча 12 июльгә 3304 кеше (шул исәптән июньдә - 40) ревакцинация узды, - дип билгеләп үтте РҮХ табиб-эпидемиолог ярдәмчесе Гөлгенә Кадыйрова. - Прививкалар ясау вакыты җитүчеләр безгә мөрәҗәгать итә. Вакцина бар.

Ике айдан соң көз килеп җитә, ул төрле авырулар буенча уңайсыз чор, шуңа күрә һәркем үз сәламәтлеген сакларга тиеш.