Күп балалы гаиләләргә ярдәм

"Татарстан Республикасы Мәгариф һәм фән министрлыгының күп балалы гаиләләрнең иминлеген контрольдә тоту турындагы хаты нигезендә, Яңа Чишмә районы башкарма комитеты җитәкчесе Ринат Фәсахов боерыгы буенча күп балалы гаиләләрнең йортларында түләүсез нигездә янгын хәбәрчеләре урнаштырыла. Бу хакта ТР ВДПО МНО ТРО беренчел бүлеге рәисе Айдар Мифтахов хәбәр итә.

— Балигъ булмаган балалар мәнфәгатьләрендә эш итеп, күп балалы Мөхәммәтҗановлар гаиләсенә автоном янгын хәбәрчеләре урнаштырылды. Аларны урнаштырганда, йортта яшәүчеләргә әлеге җайланмаларның төтен чыкканда һәм янгын чыгу куркынычы янаганда сигнал бирүе турында сөйләделәр.

Датчик батареядан автоном рәвештә эшли, өйдә янгын чыккан һәм төтен барлыкка килгән очракларда ул көчле сигнал бирәчәк һәм йоклаган кешеләр тиз арада уянып, төтенле бүлмәләрдән чыгып китә алачак.