Кыш бабай Яңа Чишмә медикларына яхшы кәеф бүләк иткән

25 декабрьдә Кыш бабай белән Кар кызы үз куллары белән ясалган открыткалар һәм чыршы уенчыкларын бүләк иткәннәр, әмма бушлай түгел, ә кечкенә чактагы кебек шигырь сөйләгән өчен. 

«Беренчеләр хәрәкәте» активистларыннан котлау алган кешеләр бала чакларының иң җылы хатирәләрен искә төшергәннәр, аларның күңелләрендә уңай һәм шатлыклы эмоцияләр барлыкка килгән, ә бу бит медиклар өчен чыннан да бик яхшы бүләк. Чөнки алар халык сәламәтлеген саклау һәм тормышыбызны яхшырту өчен көн саен хезмәт куялар. 

«Россия Балалар Кыш бабае» акциясе бүләкләр таратуга гына түгел, ә бәйрәм кәефе тудыруга һәм яхшылык белән уртаклашуга да юнәлдерелгән. Мондый игелекле гамәлләр кеше күңеленә уңай йогынты ясарга һәм безнең тормышыбызны бераз яхшыртырга мөмкинлек бирә, дип ышанасы килә. Моннан тыш, акциядә катнашу яшүсмерләр өчен дә файдалы — алар кешеләргә шатлык китерергә һәм башкалар турында да кайгыртырга өйрәнәләр. 

Кыш бабай һәм Кар кызы безгә шуны искәртәләр: бәйрәм үзебез өчен генә түгел, ә тирә-юньдәгеләр өчен дә булырга тиеш. Чөнки бары тик бергә булганда гына без чын мәгънәсендә игелекле җәмгыять булдыра алабыз. Без теләге булган һәркемне дә акциягә кушылырга һәм үзебез булдырган игелекле дөньяның бер өлешенә әверелергә чакырабыз!