Ленино авыл китапханәсендә «Георгий тасмасы» мастер-классы үткән

Ленино авыл китапханәсендә «Георгий тасмасы» дигән мастер-классы үткәрелгән, әлеге чарада авыл яшьләре катнашкан.

Алар әлеге тасманың төсләре ни аңлатканын, кем һәм кайчан аның белән бүләкләнгәнен белгәннәр. Әйдәп баручы китапханәче ул чыннан да халык хәтеренең, ата - бабаларның батырлыкларына хөрмәт символы булсын өчен Георгий тасмасын ничек дөрес итеп эләктереп йөрү кирәклеге турында сөйләгән - аны күкрәкнең сул ягына, йөрәк янына эләктереп куярга кирәк. Мастер-класста катнашучылар «Һәркайсыбыз өчен Георгий тасмасы ниндидер материя кисәге генә түгел, бу - батырлык символы, буыннар бәйләнешен, совет солдаты белән безнең заман сугышчыларын - геройларны берләштерә, дигәннәр.