Мобилизацияләнгән сугышчылар чираттагы ярдәмне алганнар

Алар ике машинада Донецк Халык Республикасында һәм Херсон өлкәсендә безнең егетләр янында булганнар.

Хәрбиләргә тепловизорлар, генератор, җылы эчке киемнәр, азык-төлек һәм башка күп нәрсәләр китерелгән. Шулай ук мобилизацияләнгән сугышчыларыбызның туганнары аларга посылкалар җибәргәннәр.

Чираттагы гуманитар ярдәм партиясен җыярга эшмәкәрләр, фермерлар һәм районның күп кенә битараф булмаган кешеләре булышкан.

Безнең сугышчылар посылкаларга һәм якташлары белән очрашуга бик сөенгәннәр, күрсәтелгән ярдәм өчен рәхмәт белдергәннәр һәм өйгә Җиңү белән кайтырга вәгъдә иткәннәр.