Мошенниклар Яңа Чишмә кешесенең 787 мең сум акчасын урлаганнар
ЭЭБнең кизү тору часте тарафыннан 42 хәбәр теркәлгән, 2 җинаять эше кузгатылган.
Компьютер мәгълүматларына законсыз керү
2024 елның 25 маенда билгесез зат, РФ Дәүләт хезмәтләре порталын кулланып, гр. Ч.-ның шәхси кабинетына кергән һәм шәхси мәгълүматларын блоклаган.
Мошенниклык
2024 елның 6 мартыннан 10 апреленә кадәр билгесез зат, Интернет челтәрен кулланып, биржада акча эшләү сылтавы белән гр. Г.-ны банк картасы счетыннан 787 мең сум акчаны күчерергә күндерә.
Руль артында исерек
Юл хәрәкәте кагыйдәләрен бозган өчен 43 граждан адм.җаваплылыкка тартылган, шул исәптән берсе - а/м белән исерек хәлдә идарә иткән өчен. Ул Актаныш районы кешесе, аңа 30 мең сум штраф һәм ел ярымга машина йөртү хокукыннан мәхрүм итү яный.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев