Мошенниклар яңачишмәлеләрнең 2 млн. сумга якын акчаларын урлаганнар

Алар район халкының банк карталарыннан акча урлауның әллә нинди ысулларын уйлап табалар.

Мошенникларның еш куллана торган хәйләләре:

1. Банк карталарыннан акча алу мәсьәләләрен хәл итү;

2. Кеше мәгълүмати базада булып, аны акча түләтеп базадан алып ташлау кебек көч структуралары белән низаглы мөнәсәбәтләр мәсьәләсен хәл итү;

3. Акчага хезмәт вазыйфасын арттыру;

4. Зыян күргән туганнарга тиз арада матди ярдәм күрсәтү;

5. Һәм башка бик күп алдау ысуллары!!!! Моннан тыш, әлеге схемада аз акча кертеп, картаңдагы акчаңны арттыру кебекләре дә булгалый.

Укучыларыбызга тагын бер кат искәртәбез: таныш булмаган кешеләргә үз банк картагызның реквизитларын беркайчан да хәбәр итмәгез, таныш булмаган номерлар буенча шалтыратмагыз һәм чит номерлардан шалтыратуларга һәм смс - хәбәрләргә җавап бирмәгез.

2022 елда мошенниклар төрле хәйләләр белән безнең район халкының 2 млн. сумга якын акчасын урлый алганнар.