Мошенниклар яңачишмәлеләрнең акчаларын урлауны дәвам итә

Мошенниклык

Атна дәвамында, ягъни 17, 19 һәм 20 октябрь көннәрендә телефон мошенниклары Яңа Чишмә районында яшәүчеләрнең 135 мең сум акчаларын урлаганнар.

17 октябрьдә мошенниклар гр. Х-ның ПАО «Ак Барс» банк счетыннан 47500 сум акчасын урлаганнар.

19 октябрьдә мошенниклар гр. А.-ның ПАО «Сбербанк» банк счетыннан 49000 сум акчасын урлаганнар.

20 октябрьдә билгесез зат «iPhone» телефонын сату сылтавы белән гр.Б.-ның банк картасыннан 39000 сум акчасын урлаган.

Без укучыларыбызны инде берничә тапкыр кисәттек - уяу һәм игътибарлы булыгыз, таныш булмаган кешеләргә банк карталары һәм счет номерларын бирмәгез. Мошенниклар үзләрен банк, куркынычсызлык хезмәте хезмәткәрләре дип атый алалар.