Өч шофер иминлек каешын эләктермәгән

16 гыйнварда Яңа Чишмә ЮХИДИ идарәсе хезмәткәрләре юлның иң күп машиналар йөри торган участогында үткәрелгән «Тоннель» операциясенә нәтиҗә ясаганнар.

«Нәтиҗәләр сөендерми, — дип хәбәр итә юл хәрәкәте инспекторы Алексей Кадымов, — чөнки Һава торышы начар булуга карамастан, күп кенә автомобильчеләр куркынычсызлык каешы кебек чараны санга сукмыйлар. Операция барышында шундый 3 хокук бозу очрагы ачыкланды һәм 12.6 статьясы буенча 3 беркетмә төзелде».