Руль артындагы әтиләрне бәйрәм белән котлаганнар

Кичә, 20 февральдә, Яңа Чишмә «Ландыш» балалар бакчасына «ЮХИ»нең Чирмешән профилактика бүлеге начальнигы Алина Филиппова һәм Яңа Чишмә районында ЮХИ пропагандасы буенча инспектор Алексей Кадымов килгән.

Өлкән төркем балалары белән кунаклар юл хәрәкәте кагыйдәләрен кабатлаганнар, ә аннары балалар бакчасы тәрбиячеләре балалар белән бергә автомобиль йөртүче әтиләргә белешмәлекләр таратканнар. Соңыннан барысы да бергә 23 февраль көненә багышланган бәйрәмдә катнашканнар. Анда балалар һәм аларның әтиләре төрле уеннар уйнаганнар.