Шахмайдан Раил Заһретдинов - дөнья Кубогы җиңүчесе

27 яшьлек Раил хәзерге вакытта контракт буенча хезмәт итә.

Көрәш буенча Россия җыелма командасы составында күп кенә ярышларда катнаша.

1 июльдә Мәскәүдә билбау көрәше буенча дөнья Кубогы узган, анда бөтен дөньядан йөзләгән спортчы катнашкан. 130 килограммга чаклы авырлык категориясендә Раил җиңү яулаган.

Ул чемпион Кубогы, медаль һәм кыйммәтле бүләк белән бүләкләнгән.

Якташыбызны дөнья чемпионы исеменә лаек булуы белән котлыйбыз һәм алга таба да җиңүләр телибез.