Сәүдә гөрләп барды

Май башында традиция буенча бакча мәшәкатьләре башлана. Шуңа да җиләк-җимеш куаклары һәм агачлары үсентеләре, клумбалар өчен чәчәк рассадалары, декоратив куаклар, төрледән  төрле орлыклар сатып алучыларны кызыксындырды. Шашлык сезоны  да үзен сиздерде: яңа суелган ит, ә аңа өстәп төрле ит  субпродуктлары да сатуда бар  иде.
Иттән тыш, ШЯХ хуҗалары сатуда үзләрендә җитештерелгән сөт, сөт продукцияләре алып чыккан. Киштәләрдә помидор, кыяр, чикләвек, алма, груша да урын алган. Йорттагы терлекләр өчен ит-сөяк һәм балык оны, азык акбуры, тавыкларга катнаш азык һ.б. да бар иде. Каршы якта гына тере  тавыклар да сатылды.
Самара өлкәсеннән килгән сатучылар тәрәзә пәрдәләре белән  сәүдә итте, ә Яңа Чишмәдәге колбаса цехы үз продукциясен алып чыккан.
Ярминкәдә тәкъдим ителгән  товарлар төре бай иде һәм ул гөрләп барды.