Район яңалыклары
“Сенофест“ фестивалендә
29 июльдә Зәй шәһәрендә ипподромда Яңа Чишмә районы командасы "Сенофест" күп милләтле мәдәният һәм көнкүреш ART-фестивалендә катнашты, ул ТР АМО тарафыннан оештырылган.
Аның программасында концерт номерлары, джигитовка бар иде. Фестивальдә печәннән әзерләнгән биеклеге 2 метрдан артык булган арт-объектлар күрү, печәннән арт-композиция әзерләү, йорт хайваннарын ашату мөмкинлеге дә булды.
Яшьләр командаларында (19) катнашучылар җәйге печән чабу атмосферасына гына күмелми, җәйнең әлеге көнен актив һәм файдалы итеп тә үткәрделәр. Безнең "Тролли" командасы үзе белән арт-объект һәм команда символы - печәннән ясалган әкияти тролль алып барды. Ярышларда ул "Печән марафоны "нда катнашып, толымнар бәйләделәр, веноклар үреп ясадылар, иң оста чабучыны сайлау буенча уздырылган "Печән чабучылар ярышы"нда да катнашырга өлгерде.
Безнең команда актив катнашканы өчен диплом белән бүләкләнде. Хәзер алар "ПчЕлино" бал Эко-фестивале кысаларында 12 августта Әгерҗедә үтәчәк яңа ярышларга әзерләнәләр.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев