Сөлчәбашлылар урман җәнлекләренә булыша

Озакка сузылган салкын кышта җәнлекләргә ризык табу җиңел түгел. Өстәвенә, быел кары да бик күп ява, аларга үсемлекләрнең тамырын һәм сабакларын эзләү тагын да кыенрак. 
Сөлчә-Баш авылы урман белән янәшә урнашкан. Авылда яшәүчеләр, ирле-хатынлы Ногмановлар урман җәнлекләренә ярдәм итәргә булганнар. Алар урманга чаңгы белән барып, печән тутырылган капчыклар илткәннәр, аның белән  куяннар, пошилар һ. б. сыйлана ала.  Бу гаиләгә игелекле гамәлләре өчен рәхмәт!