СВО зонасына чираттагы йөк машинасы юл тоткан

Өч автомашинадан торган колонна мобилизацияләнгән якташларыбыз хезмәт итә торган СВО зонасына юнәлгән. Гуманитар йөк хәрби хезмәткәрләр ихтыяҗларын күздә тотып формалаштырылган. Кирәкле әйберләр исемлегендә: термо - эчке киемнәр, ике генератор, өч буржуйка мичләре, газ плитәләре, гигиена әйберләре, озак вакыт саклана торган продуктлар, шешәләргә тутырылган су, окоп шәмнәре, җылы киемнәр, генераторлар өчен ягулык-майлау материаллары һ. б.

Колонна белән бергә районның Хәйрия фонды акчаларына сатып алынган «Нива-Шевроле» автомашинасы да киткән, ул сугышчыларыбызга тапшырылачак.

Гуманитар ярдәмне илтүче егетләр хәрбиләргә шулай ук гаиләләре җибәргән посылкаларны да алып киткәннәр.

Әлеге сәфәр - Яңа Чишмә районында яшәүчеләр тарафыннан җыелган гуманитар йөкне илтү - инде дүртенче тапкыр булачак.