Татарстанда «Җәяүле» дип аталган профилактик чара уза
Агымдагы елның 5 аенда җәяүлеләр катнашындагы юл-транспорт һәлакәтендә 19 кеше һәлак булган, бу юл-транспорт һәлакәтендә һәлак булганнарның 22 проценттан артыгын тәшкил итә. Җәяүлеләрне бәрдерү тәүлекнең караңгы вакытына туры килә, күпчелек очракта бу киемнәрендә яктылыкны кире кайтара торган элементлары булмаган җәяүлеләр. Җәяүлеләр кичүендә 141 ЮТҺ булган, аларда 2 кеше үлгән һәм 145 кеше яраланган.
Шулай ук агымдагы чорда СИМ һәм велосипедлар кулланучылар катнашында ЮТҺләр саны 2,5 тапкырдан арткан.
Җәяүлеләр катнашында юл-транспорт һәлакәтләрен профилактикалау максатыннан 2023 елның 19-28 июнь көннәрендә Татарстан Республикасында ведомствоара «Җәяүле» профилактик чара уза. Чаралар барышында җәяүлеләргә хәрәкәттә өстенлек бирмәү, җәяүлеләрнең моның өчен каралмаган урыннарда яки светофорның тыю сигналына күчү, җәяүлеләрнең тәүлекнең караңгы вакытында торак пунктлардан читтә яктылык кайтаручы элементларны кулланмау белән бәйле хокук бозуларны кисәтү буенча эш, шулай ук СИМ һәм велосипедларда хәрәкәт итүне контрольдә тоту көчәйтеләчәк.
Моннан тыш, җәяүлеләр инфраструктурасы объектларын: җәяүлеләр үтү урыннарын, тротуарларны, җәмәгать транспорты тукталышларында кагыйдәләрне үтәүне контрольдә тоту көчәйтелгән.
«Әгәр бу пунктлар буенча халык арасында дәгъва белән сораулар туса, АҖ башкарма комитетына мөрәҗәгать итәргә мөмкин», — дип киңәш итә Яңа Чишмә районы буенча ЮХИДИ идарәсе начальнигы Евгений Михайлов һәм юл хәрәкәтендә катнашучыларны игътибарлы һәм сак булырга чакыра. Машина йөртүчеләргә җәяүлеләр үтә торган урыннарда тизлекне киметергә кирәк. Җәяүлеләр, үз чиратында, юлны җәяүлеләр кичүе буенча гына, ә юл чатында тротуарлар яки юл кырые буенча гына үтәргә кирәклеген истә тотарга тиешләр. Транспорт чарасы йөртүчесенең хәрәкәттә өстенлек бирүенә инангач кына юлны кичәргә рөхсәт ителә.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев