Түрәләргә керемнәр, шул исәптән криптовалюта турында ничек хисап тотарга кирәклеген аңлаттылар

Муниципаль хезмәткәрләр, депутатлар, бюджет учреждениеләре җитәкчеләре 2022 елда керемнәре турында узган ел өчен яңача хисап тотарга бурычлы. Декларациягә санлы финанс активлары (СФА) дип аталган пункт кертелгән. Бу хакта семинар-киңәшмәдә район башлыгының коррупциягә каршы тору мәсьәләләре буенча ярдәмчесе Ирина Лобачева сөйләгән.
Лобачева аңлатканча, белешмәләр тутыру өчен банклардан, брокерлардан, иминият компанияләреннән һәм башка финанс оешмаларыннан бердәм форма буенча мәгълүмат соратып алырга кирәк. Әгәр муниципаль хезмәткәр милекне сатудан керем алса, аңа моны һәр объект буенча аерым күрсәткеч белән күрсәтергә кирәк.  Дәүләттән төрле ярдәм чаралары буенча бирелгән түләүләргә дә декларация тапшырырга туры киләчәк.
Шулай ук хәзер өлешләп төзүдә катнашу турында эскро счетлары буенча һәм санлы фенактивлардан файдалану турында хисап бирү бурычы барлыкка килде. 
Яңа Чишмә районы прокуроры урынбасары Ленар Мисбахов түрәләргә коррупцион хокук бозулар өчен җаваплылык турында искәртте, гамәлдәге законнарны үтәү кирәклеген әйтте.    
Семинар ахырында спикерлар тыңлаучыларның сорауларына җаваплар бирделәр.