Тубылгы Тау авылында СВО зонасында һәлак булган сугышчы белән хушлаштылар

Район башлыгы Вячеслав Козлов Артурның апасының, туганнарының һәм якыннарының тирән кайгыларын уртаклашты.

- Бу безнең барыбыз өчен дә бик авыр югалту. Хәрби операциядә катнашып, Артур Михайлович үзенең хәрби бурычын батырларча үтәде һәм Ватан өчен үз гомерен бирде. Аның исеме туган авылында мәңгеләштереләчәк, безнең барыбыз өчен дә ул мәңгегә герой булып калачак.

Татарстан Республикасы Министрлар Кабинетының Баш ветеринария идарәсе начальнигы Алмаз Хисаметдинов, НГДУ «Ямашнефть»ның цех начальнигы Валерий Борисов һәм Тубылгытау АҖ башлыгы Фәнил Исмәгыйловлар да кайгы уртаклашу сүзләрен җиткерделәр.

Контрактка кул куйганчы Артур Бухаров нефть һәм газ чыгару буенча оператор булып эшләгән, ярдәмчел һәм намуслы кеше булган.

Артур Бухаровны соңгы юлга хәрбиләрчә хөрмәтләп озаттылар. Якташыбыз турындагы якты истәлек күңелләрдә озак сакланыр!