Тубылгытау авылы мәдәният йортында «Әниләр очрашуы» узган
«Халыкара Әниләр көне алдыннан Тубылгы Тау авылы мәдәният йортында «Әниләр очрашуы» дигән чара узды, анда тол калган, балаларын ялгызы гына тәрбияләгән әниләр җыелды.
Очрашу дустанә һәм күңелле атмосферада үтте. Чарада катнашучылар бәйрәм өстәле артында үз хәтер-хатирәләре белән уртаклаштылар, лирик җырлар башкардылар,чәй эчтеләр.
Очрашуны уздыруда матди ярдәм АМЙ хезмәткәрләре, Тубылгы Тау авылының башкарма комитеты, эшмәкәр Г. С. Таһирова тарафыннан күрсәтелде, кунаклар үзләре дә чарага күстәнәчләр алып килделәр.
Шөкер, бәйрәмебез матур үтте, аны оештыруга өлеш кертүчеләрнең барысына да рәхмәт», - дип яза редакциягә Тубылгы Тау мәдәният йорты директоры Айгөл Вафина.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев