Төзелеш график буенча алып барыла

- Ленин урамында  (“Ленин урамы буйлап сквер“) күп фатирлы йортлар янәшәсендәге территорияне төзекләндерүгә республика һәм федераль бюджеттан 6,5  млн сум акча бүлеп бирелгән. Төзелешне җәмәгатьчелек киңлекләрен төзекләндерү программасы буенча ШЭ “Сабиров Ш.Ш.“ подряд оешмасы алып бара. Бүгенгесе көнгә бүлеп бирелгән акчаның 90 %ы үзләштерелгән. Хәзергесе вакытта җиһаз сатып  алалар, аннан ул урнаштырылачак, шул исәптән 3 яшькәчә булган балалар  өчен балалар мәйданчыгы да, яшүсмерләр  өчен спорт тренажерлары да булачак. Яхшы койма, видеокүзәтү, күләгәле япмалар урнаштырып, скверны да  төзекләндерергә уйлыйбыз. Җәмәгатьчелек киңлекләрен төзекләндерү буенча булган планнардан 2019 елда пляжны төзекләндерү планлаштырылган.
Күп фатирлы йортларга капиталь ремонт эшен “Блокстрой“ ҖЧҖ алып бара. Торакка капиталь ремонт республика программасы буенча – Ленин урамындагы 29 нчы номерлы йортка 1 млн. 470 мең сум һәм Совет урамындагы 82 нче номерлы йортка 2 млн. 660 мең сум акча бүлеп бирелгән. Совет  урамындагы йортта түбәгә (40 % башкарылган – мәгълүматлар 29 сентябрьгә) һәм подъездларга (12 % башкарылган) ремонт эшләре бара, Ленин урамындагы йортта бинаны фасадны җылытып ремонтлыйлар (90 % башкарылган). Барлык  эшләр дә график буенча алып барыла.

Ольга Иванова.
Автор фотосы