«Ватанны саклаучылар» фондының Татарстан филиалы җитәкчесе Гүзәл Удачина Яңа Чишмәдә булган

Очрашу «Ватанны саклаучылар» фондының Татарстан филиалы җитәкчесе Гүзәл Удачина, Яңа Чишмә муниципаль районы башлыгы Вячеслав Козлов, район башлыгы урынбасары Надежда Попкова, район башкарма комитеты җитәкчесе урынбасары Александр Еронтьев, авыл җирлекләре башлыклары һәм төрле ведомство вәкилләре, шулай ук Чистай районының социаль координаторлары (Яңа Чишмә шулай ук алар ведомствосында) - Светлана Коншина һәм Альбина Сираевалар катнашында узган.

«СВО ветераннарына һәм һәлак булган сугышчыларның гаиләләренә һәръяклап ярдәм күрсәтү - Фондның төп бурычы», - дигән Гүзәл Удачина. 

Фонд филиалы җитәкчесе билгеләп үткәнчә, координаторлар СВО ветераннарына медицина һәм социаль реабилитациядә, юридик ярдәм күрсәтәләр, эшкә урнашуда һәм, кирәк булса, яңа һөнәр алуда булышалар, мәдәни һәм спорт чаралары, яшьләргә патриотик тәрбия бирү максатыннан СВО ветераннары белән очрашулар оештыралар.