Волчья Бистәсендә кеше яшәми торган йорт янган

Буревестник АҖ башлыгы Юрий Улитин хәбәр иткәнчә, авыл читендәге күл янында торак булмаган йортның яну сәбәбе - болында коры үләнгә ут төртү.

Авыл халкы бирегә балыкчылар килгәнен әйтә. Шул исәптән коры үлән алар аркасында янып киткәндер, дигән фикер йөри һәм бу дөрестән дә шулайдыр.

Ут тиз арада ташландык торак булмаган йортка күчә. Җирле халык исә янгынны шул вакытта гына күреп ала.  ГТХМга телефон аша элеге хәл турында хәбәр иткәннән соң, халык утны мотопомпалар белән сүндерә башлаган. КФХдан бураны вату өчен техника китергәннәр. Янгын сүндерү бригадасы исә 15-20 минут эчендә килеп җиткән. Халыкның  уртак тырышлыгы янгын таралуга юл куймаган.