Яңа Чишмә районы Бөтенроссия өмәсенә кушылды

24 апрельдә Яңа Чишмә районы предприятиеләре һәм оешмалары хезмәткәрләре бөтен ил буенча үткәрелә торган Бөтенроссия экологик шимбә өмәсенә кушылдылар. Безнең республикада ул санитар-экологик икеайлык һәм «ЭКОяз 2021» республика акциясе кысаларында уза.

Район үзәге һәм авыл җирлекләрендә яшәүчеләр урамнарны, паркларны, ишегалларын, биналар янындагы территорияләрне, гомуми кулланылыштагы юлларны төзекләндерүгә  чыктылар. Алар чүп-чарны, узган елгы яфракларны һәм үләнне җыештыралар, клумбаларны төзекләндерәләр, агачлар, урам баганалары һәм тротуарларны агарталар, агачлар, куаклар утырталар.

Гомумән алганда, өмәдә районның эшкә яраклы һәр кешесе катнаша.