Яңа Чишмә районы эшмәкәрләре Казандагы чираттагы ярминкәдә катнаштылар

2 октябрьдә Шахмай, Архангел һәм Ленино авыл җирлекләре эшмәкәрләре Казандагы чираттагы ярминкәдә катнашканнар.

15 сәүдә ноктасында ит (сыер ите – 2 тоннага якын, ат ите – 350 кг, дуңгыз ите - 400 кг), сөт һәм сөт продукциясе, яшелчә, бал, ашлык сатылган.

Авыл җирлекләре хезмәткәрләре ярдәме белән Өлкәннәр көне уңаеннан чәй өстәле оештырылган һәм анда башкалада яшәүче байтак кеше кунак булган.

Ярминкәгә килгән ТР авыл хуҗалыгы һәм азык-төлек министры Марат Җәббаров та яңачишмәлеләргә югары бәя биргән.

Продукция сатудан кергән табыш 1,2 млн. сум тәшкил иткән. Казанда киләсе ярминкә -16 октябрьдә.