Яңа Чишмә районында акча урлаучылар ачыкланган

Урлау

2020 елның 18 сентябрендә кичен исерек гр-ка А., Әдәмсә авылының Үзәк урамы буенча урнашкан йортларның берсендә булып, яшерен рәвештә гр-н М.ның куртка кесәсеннән 8 мең сум акчасын урлаган.

Гр-н С. 30 апрельдә гр-ка Н.ның банк картасын таба һәм 1 майда кичке сәгать 6лар тирәсендә банк картасыннан акчаны салдырып алырга маташа, ләкин акчаны урлый алмый, чөнки картада булган 6500 сум акча моңа кадәр үк күчерелгән була.

Исерек килеш руль артына

45 машина йөртүче ЮХКен бозган өчен адм.җаваплылыкка тартылган, шул исәптән берсе – транспорт белән исерек килеш идарә иткән өчен. Бу Зирекле авылында яшәүче 53 яшьлек гр. Х.  Аңа 30 мең сум штраф һәм 1,5 елга машина йөртү хокукыннан мәхрүм итү яный.