Яңа Чишмә районында авыраучылар саны кими

Коронавирустан 1377 кеше вафат булган, шул исәптән соңгы атнада 36 кеше.

Яңа Чишмә районында соңгы атнада Covidның 2 яңа очрагы ачыкланган. 2021 елда коронавирус белән авыраучылар саны 105 кешегә җиткән.

Соңгы атнада хастаханәдән тыш пневмониянең 13 очрагы теркәлгән. 13 кеше стационарда дәвалана, шул исәптән дүртесе - Чистай госпиталендә.

Шулай ук атна эчендә 38 ОРВИ йоктыру очрагы да ачыкланган, авыруларның 19ы - 14 яшькә кадәрге балалар. Яңа Чишмә районы гимназиясенең 6 «в» сыйныфында ОРВИ белән чирләүчеләр саны күп булу сәбәпле, ул карантинга ябылган.

Районга барлыгы 12270 доза вакцина кайтарылган, вакцинацияне 11329 кеше үткән, шуларның 671е - ревакцинация ясаткан. Районда вакцина запасы бар. Медицина хезмәткәрләре тарафыннан вакцинаны урыннарда ясату өчен аларның район торак пунктларына баруы дәвам итә.

Җәмәгать туклануы, сәүдә һәм азык-төлек сәнәгате предприятиеләрендә эшчеләрне вакцинацияләү буенча комиссия тикшерүе үткәрелгән. Атна эчендә 11 объект тикшерелгән, хезмәткәрләрнең 80%ы вакцинация үткән.

Роспотребнадзор Яңа ел бәйрәмнәрендә барлык санитар таләпләрне үтәү зарурлыгы турында тагын бер кат искәртә.