Яңа Чишмә районында «Комбайн» профилактик операциясе дәвам итә

Операция башланганнан бирле 35 берәмлек техника тикшерелгән, аларның 19ы куркынычсыз эксплуатацияләү таләпләрен һәм теркәү кагыйдәләрен бозып файдаланылган.

Рейдлар вакытында беренчел янгын сүндерү һәм медицина ярдәме күрсәтү чаралары, теркәү документлары, тракторчы-машинист таныклыклары булуга һәм еллык техник карауларны вакытында уздыруга аерым игътибар бирелә. Ял иткән вакытларда комбайнчыларга Татарстан Республикасында үзйөрешле техника катнашында булган хәлләр турында мәгълүмат җиткерелә.

Шулай ук күрше районнарның Дәүләт техник күзәтчелеге хезмәткәрләре катнашында бердәм рейдлар үткәрелә.