Яңа Чишмә районында Татарстан митрополиясе башлыгы Кирилл булып китте

Страстная седмицаның икенче көнендә Яңа Чишмә районында Казан һәм Татарстан митрополиты, Рус Православие чиркәве архиерее Кирилл булып китте һәм Яңа Чишмә Изге Троица чиркәвендә гыйбадәт кылды .

Дәрәҗәле кунакны район руханилары һәм мәхәллә халкы ипи-тоз белән каршы алды. Чиркәү капкасыннан керер алдыннан, владыка авылның һәм тирә-юньнең матурлыгына сокланып карап торды: «Нинди иркенлек, нинди матурлык бит монда!» - диде митрополит. Мәхәллә кешеләре белән бераз аралашкач һәм кирәкле әзерләнүләрдән соң, ул гыйбадәт кылуга кереште.

Бу көнне Троицкий чиркәвенә Яңа Чишмәдән, район авылларыннан, күрше районнардан православие динендәге кешеләр дә килгән иде.