Яңа Чишмә районының ике белем бирү учреждениесе 500шәр мең сумлык грант откан

Грантларга Зирекле лицее һәм Яңа Чишмәдәге «Алтын ачкыч» балалар бакчасы ия булган. ТР Министрлар Кабинеты грантлары Туган телләр һәм халыклар бердәмлеге елы кысаларында белем бирү учреждениеләренә Татарстан территориясендә яшәүче халыкларның телләрен, гореф-гадәтләрен, мәдәниятләрен саклап калуга һәм үстерүгә юнәлдерелгән проектларны тормышка ашыруда ярдәм итү өчен билгеләнгән.

Сүз уңаенда, әлеге ике учреждение 2018 һәм 2020 елларда да 500шәр мең сум грант откан иде инде.

Без Зирекле лицее һәм «Алтын ачкыч» балалар бакчасы коллективларын конкурста җиңүләре белән котлыйбыз һәм алдагы язмаларыбызда грант акчаларының кая юнәлдереләчәге турында сөйләячәкбез.