Яңа Чишмә районының мәдәният учреждениеләре 10 грант откан

Барлыгы 27 федераль һәм 20 төбәк дәрәҗәсендәге 47 заявка җибәрелгән. Конкурста 10 проект җиңү яулаган (4се - федераль һәм 6сы - төбәк дәрәҗәсендә).

Откан грантларның күләме - 26,5 млн. сумга якын. Монда район башлыгының Татарстан Президентына РМЙны капиталь ремонтлау мәсьәләсе буенча мөрәҗәгате уңаеннан бүлеп бирелгән 24,7 млн. сум күләмендәге грантны аерым билгеләп үтәргә кирәк.

Грант акчалары «Талантлар марафоны» фестивален үткәрүгә (500 мең сум), Ленино мәдәният йорты өчен тренажерлар һәм спорт инвентаре сатып алуга (360 мең сум), Архангел Бистәсендә «Лейся, песня русская» бәйрәмен оештыруга (костюмнар һәм аппаратура алуга - 200 мең сум), Чуаш Чабаксары мәдәният йортына аппаратура (100 мең сум), «Шешминка» хореография ансамбле өчен сәхнә костюмнары һәм аяк киемнәре сатып алуга (150 мең сум) һ. б. сарыф ителгән.

Грантлар буенча эшчәнлек агымдагы елда да дәвам итәчәк - гыйнварда төрле номинацияләр буенча грантларда катнашуга 12 заявка җибәрелгән һәм җиңүгә өмет бар.