Яңа Чишмә яшьләре Яшьләр үзәге төзү турында фикер алыштылар

Әлеге үзәкнең максатлары һәм бурычлары турында Яңа Чишмә районы башкарма комитеты җитәкчесе урынбасары Александр Еронтьев сөйләде.

Яшьләр үзәге эшенең беренче проектын «Аҗаган» яшьләр-яшүсмерләр клубы директоры Ирина Банцырева тәкъдим итте һәм аның буенча фикер алышырга чакырды.

Беренче җыелышта катнашучы яшьләргә проектны үз тәкъдимнәре белән тулыландыру, шулай ук Үзәк исемен тәкъдим итү буенча үз фикерләрен әйтү кирәк иде. Икенче мәсьәләгә яшь егетләр һәм кызлар җитди карадылар, чөнки, кем әйтмешли, «Корабльне ничек атыйсың, ул шулай йөзәчәк бит».

«Мәктәп укучылары һәм эшче яшьләрнең барлык тәкъдимнәре исәпкә алынды, әлеге ике мәсьәлә буенча дискуссияләр алга таба да дәвам итәчәк: аларда яшьләр күбрәк катнашкан саен, сайлау мөмкинлеге дә күбрәк булачак, димәк, карар да дөресрәк булачак», - диде Ирина Банцырева.