Яңа Чишмә ЮХИДИ бүлеге инспекторлары «Тонировка» чарасының беренче көн нәтиҗәләре турында сөйләделәр

Дәүләт автоинспекциясе 2, 3 һәм 4 март көннәрендә «Тонировка» профилактик чарасын үткәрә. Автомобиль пыялаларын санкциясез караңгылату еш кына юл-транспорт һәлакәтләренә сәбәп булуы инде бер генә тапкыр исбатланмаган. Шуңа бәйле рәвештә, юл-патруль хезмәте хезмәткәрләре автомобиль пыялаларын ГОСТка туры китермичә караңгылатуга аеруча игътибар итәләр.

2 мартта район юлларында 35 транспорт тикшерелгән, тикшерү барышында 7 административ хокук бозу ачыкланган һәм кисәтелгән. Алар арасында Яңа Чишмә районында яшәүче бер шофер да бар (машина пыялаларын ГОСТ таләпләренә туры китермичә караңгылаткан). Аңа закон бозуны бетерү турында кисәтү бирелгән.