Яңа Чишмәдә ярминкә: ит юк, май юк, иртәгә килегез

Христианнарның изге бәйрәме алдыннан (Вербное воскресенье), аларга балык ашарга ярый, Архангел Бистәсеннән Надя түтигә рәхмәт, ул менә дигән сазан һәм корбан балыклары алып килгән, кыйммәт тә түгел - килограммы 220 һәм 130 сумнан  сатылды. 

Ачыкланганча, халыкның барысы да постны үтәми икән, сыер һәм дуңгыз итләре сатуда булган, тик аны ярминкә башланганчы ук сатканнар. Ә иртәнге 8гә киштәдә бик аз гына калган.

Акъярдан сөт продуктлары (сөт, каймак, эремчек) һәм тагын берсе - тавык һәм үрдәк түшкәләре белән сату ноктасы эшләде. 

Гөлназ Галимова бүгенге ярминкә товарларга һәм сатып алучыларга бай булмас дип фаразлаган иде, аның ни өчен шулай икәнлеген дә әйтте:

«Бүген яңачишмәлеләр үз продукцияләрен Казан ярминкәсенә алып киттеләр. Гаиләбездән кызым тавык һәм үрдәк түшкәләре алып китте, мин аңа шалтыраттым, кызыксындым, анда сату бик яхшы бара, диде кызым. Миннән дә яхшы алалар. Бигрәк тә үрдәк түшкәләрен».

Ярминкәгә килүчеләр: «Ә ит юкмы, әллә» диючеләргә Гөлназ болай дип җавап бирде: «Ит сатучылар бар иде, иртән - иртүк барысын да саттылар. Иртәгә килегез, алар тагын киләбез диделәр». Күпләр, атланмайны кайда саталар, дип сорадылар. Тик җавапны беркем дә белмәде. 

Ярминкә урынында сәүдә рәтләре буш иде, ә яшелчә һәм җиләк-җимешләр, нигәдер үзәк юл буенда урнаштырылган иде.  Бу бөтенләй дә сатып алучыларны җәлеп итми. Биредә бер килосы 45 сумнан бәрәнге, орлык суган (250 сумнан алып 400 сумга кадәр) сатып алдылар.

Силютиннар гаиләсе ярминкәдән буш сумкалар белән кайтып китте, хәтта оныгына күчтәнәч тә сатып ала алмаганнар. Балага ярминкәдә балалар өчен тәм - томнар каралмаганын ничек аңлатырга икән соң?