Яңа елга яхшы күрсәткечләр белән

автор, 27 декабрь 2017 - 06:32

614

Районда финанс-хуҗалык эшчәнлеге буенча чираттагы киңәшмә 22 декабрьдә булып үтте. Аны район башлыгы Вячеслав Козлов үткәрде, тик ул башта декабрьдә туганнарны җылы котлады, болар: Ленино АҖ башлыгы Виктор Веретенников һәм район Советының оештыру бүлеге начальнигы Елена Симоновалар.

Ноябрь киңәшмәсендәге беркетмәнең үтәлеше турында доклад ясау өчен нәкъ менә аңа беренчеләрдән булып сүз бирелде: барлык пунктлар да тиешле срокта һәм нәтиҗәле төстә башкарылган, башкару өчен җаваплы кешеләр эшләнгән эшләр турында отчет белән чыгыш ясадылар. Отчетлар барышында район башлыгы тарафыннан кисәтүләр ясалды һәм төгәллекләр кертелде. Хоккей тартмаларын су агызып катыру буенча эшләр канәгатьләнерлек түгел дип билгеләп үтелде: күпчелек авылларда ул 60-70%ка гына башкарылган; ТКХ хезмәтләре һәм башкалар өчен электрон түләүләр буенча халыкка ярдәм итү мәсьәләсе буенча халык белән эшләүдә Акбүре АҖ-гә карата кисәтүләр бар. Шулай ук кичектергесез хәл итүне таләп итүче (яңа елда аларга кире әйләнеп кайтмас өчен) башка бурычлар хакында да сүз алып барылды.

Район башлыгы урынбасары Надежда Попкова үтеп баручы елда халыкның хезмәт активлыгы буенча эшкә кыскача анализ ясады. Ул, терлекләрнең баш саны авыл халкы тормышында һәм аннан кергән керем төп барометр булып тора, дип билгеләп үтте. 2017 ел азагына, сыерларда лейкоз авыруы ачыклану аркасында, баш саны кимү көтелә, әмма гомумән алганда МЭТ саны узган ел дәрәҗәсендә кала. Сыерларның баш саны кимүгә дә карамастан, халык тарафыннан сөт сату 724,4 тоннага арткан.

- "Татарстан Республикасының муниципаль берәмлекләр Советы" Ассоциациясенең 12 нче съездында безнең районның шәхси хуҗалыкларда сыерлар санының югары булуы буенча иң яхшы унлыкка керүе турында билгеләп үтелде, - диде Надежда Ивановна. - Бер хуҗалыкка исәпләгәндә ШЯХ-дагы тулаем продукция җитештерү буенча без икенче урында. Һәм моның өчен терлек асраучы халыкка, шулай ук АҖ башлыкларына рәхмәт әйтергә кирәк, чөнки алар сүздә генә түгел, ә үзләре шәхсән үрнәк күрсәтәләр. Бу Шахмай АҖ башлыгы Ильяс Гаризов, Акъяр АҖ башлыгы Данияр Гайнуллин, Ленино АҖ башлыгы Виктор Веретенников, Зирекле АҖ башлыгы Җәлил Гайфетдинов, Екатерина АҖ башлыгы Александр Хорьковлар.

Район 2015-2020 елларга ШЯХ-ны үстерү программасын тормышка ашыруга ышанычлы адымнар белән атлый.

Лариса ФЕДОРОВА