Яңа уку елы алдыннан ЮХИДИ хезмәткәрләре мәктәп автобусларының техник торышын тикшерә

Яңа Чишмә районы буенча Дәүләт автоинспекциясе хезмәткәрләре уку елы башланыр алдыннан автобусларның тышкы кыяфәтен, техник торышын, аларда куркынычсызлык каешлары булуын, тахографлар белән җиһазландырылуын, тормоз системасының, тышкы ут (фаралар) приборларының төзеклеген, шин протекторының тузуын һәм мәктәп укучыларын ташу вакытында куркынычсызлыкка йогынты ясый торган башка параметрларны тикшерәләр.

Мәктәп автобусларын йөртүчеләр дә тикшерелгән. Аларның һәркайсында "Д" категорияләре һәм тиешле эш стажлары булуы ачыкланган.

Шоферлар белән ЮХИДИ инспекторлары профилактик әңгәмәләр үткәргәннәр, чөнки балаларның гомере һәм сәламәтлеге алар кулында булуын искә төшергәннәр.

Яңа Чишмә районы белем бирү учреждениеләрендә барлыгы 10 автобус баланста тора. 8 берәмлек техника тикшерелгән, ике автобус (Красный Октябрь һәм Екатерина Бистәсе мәктәпләре) җитди сәбәпләр аркасында булмаган.

- Тикшерү барышында кайбер автобуслар буенча кисәтүләр ачыкланды. Җитәкчелеккә 20 августка кадәр мәктәп автобусларын ГОСТ тану һәм кисәтү билгеләре белән тәэмин итү, җитешсезлекләрне бетерү буенча кисәтүләр язылды.

Шулай ук район территориясендә белем бирү учреждениеләре янындагы урам-юл челтәрләренең эксплуатацион торышын тикшерәләр, - диде Евгений Михайлов.