Яшьләргә җәйге эш турында

Ул чакта яшьләрнең эш чоры аларның шәхси счетларында чагылыш табачак - аларга иминият стажы һәм пенсия коэффициентлары исәпләнәчәк. Ашыгыч хезмәт килешүе төзү өчен егет һәм кызларга СНИЛС - шәхси счетның иминият номеры кирәк булачак. 
Шуның белән бергә, туендыручысын югалту сәбәпле пенсия алучылар рәсми рәвештә эшкә урнашу пенсия күләменә йогынты ясавын исәпкә алырга тиеш, чөнки пенсиягә федераль өстәмә бу очракта түләнмәячәк. Пенсиягә федераль социаль өстәмә түләү Мәшгульлек үзәге тарафыннан җәйге эшкә җибәрелгән яшьләргә генә түләүдән тукталмый. Туендыручысын югалту буенча пенсиягә үзгәрешләр кагылмый - көндезге бүлектә укучы студентларга ул аларга 23 яшь тулганчы түләнәчәк, хәтта алар уку белән беррәттән эшли торган булсалар да.
Эшкә урнашу 80 яшьтән өлкәнрәкләр, беренче төркем инвалидлар һәм инвалид балалар тәрбияләгән өчен бирелә торган компенсациягә, шулай ук иждивениедә булганнарны карау өчен ата-аналарның иминият пенсиясенә арттырылган түләүләргә дә йогынты ясаячак. Әлеге түләүләр туктатылачак, чөнки алар эшкә урнашмаган гражданнарга гына түләнә. Шуңа күрә эшкә урнашу турында Пенсия фондына эшкә урнашканнан соң киләсе көннән дә соңга калмыйча хәбәр итәргә кирәк. 
Тукталып торган түләүләрне эш тәмамланганнан соң ук яңартырга мөмкин. Моның өчен Пенсия фондына тиешле документлар тапшыру мөһим. Тулырак мәгълүматны 8-800-6-000-000 телефоны буенча белергә мөмкин.

https://www.akbars.ru/individuals/cards/aurum/?utm_source=smi_tatarstan&utm_medium=article%7Cpaid&utm_campaign=110%7Cpr%7Ccold%7Ccard_aurum%7Cdir%7Cflight%7Ccashback10percentfornew&utm_content=n%7Cn%7Ctatmedia