Зирекле лицее укучылары «Белем Лигасы: мәктәпләр һәм колледжлар» турнирының төбәк этабында катнашканнар
3 июньдә Казан шәһәрендә КАИ КНИТУ бинасы базасында «Белем Лигасы: мәктәпләр һәм колледжлар» Бөтенроссия интеллектуаль турнирының региональ этабы узган.
Россиянең барлык төбәкләреннән килгән мәктәп укучылары һәм колледж студентлары өчен шәхси һәм команда уеннарыннан торган масштаблы интеллектуаль турнир. Турнирны оештыручы — Россиянең «Белем» җәмгыяте, «Беренчеләр хәрәкәте» дигән Гомумроссия иҗтимагый-дәүләт балалар һәм яшьләр хәрәкәте дә оештыручылар исемлегендә.
Турнирның максаты — танып белү активлыгы дәрәҗәсен арттыру, күзаллауны киңәйтү, мәктәп укучыларында һәм студентларда эрудицияне һәм командада эшләү күнекмәләрен үстерү.
Уенда җаваплар бирү өчен логика, эрудиция, ә кайвакыт иҗади караш таләп ителә.
Зирекле лицее укучылары сайлап алу этабын узганнан соң Татарстанның иң яхшы 25 командасы исемлегенә кергәннәр һәм региональ этапта катнашканнар.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев