«Татнефть»тән грантлар - кешеләр файдасына

«БиблиоНефть», балалар өчен үзенчәлекле балалар өчен парк, «Надежда» («Өмет») үзәге һәм тагын 200 дән артык иҗтимагый әһәмиятле инициатива «Татнефть» тарафыннан хупланды, дип яза «Нефтяные вести» газетасы. Бу проектлар грантларның икенче конкурсында җиңүче булдылар һәм алар 2023 елда гамәлгә ашырылачак. Ярдәмнең гомуми күләме 1,4 млрд сумнан артып китте.

Грант программасы - «Татнефть» компаниясенең муниципалитетлар белән хезмәттәшлегенең яңа комплекслы механизмы. Конкурс инде икенче ел рәттән яңа форматта уздырыла.

 «Без төбәкнең яшәү өчен уңайлы булуын, кешеләрнең нефть төбәгендә яшәүләре, нефть төбәгенә яңа кешеләр килүе белән горурлануын телибез, - дип фикерен белдерде «Татнефть» генераль директоры Наил Маганов. - Компания һәрвакыт нефть чыгару белән генә шөгыльләнмәде, ә үз эшчәнлеге территориясен үстерде, бу Компаниянең ДНКсына салынган».

Сайлап алу критерийларының берсе - башка чыганаклардан уртак финанслау булу иде. Әлеге юл белән «Татнефть» муниципалитетлар, җирле үзидарә органнары белән партнерлык мөнәсәбәтләре булдырырга омтыла. Бу алым социаль инвестицияләрнең нәтиҗәлелеген күтәрергә, үзара файдалы хезмәттәшлеккә үз эшенең энтузиастларын гына түгел, башка грантлар - республика һәм федераль грантларны да җәлеп итәргә мөмкинлек бирә.

Конкурс 20 максатчан программа һәм эшчәнлекнең дүрт өстенлекле юнәлеше буенча үткәрелде: «Сәламәтлек саклау», «Мәгариф», «Мәдәният» һәм «Территорияләрне үстерү». Һәр тәкъдим ителгән проект махсус эшләнгән алгоритм һәм төп критерийлар ярдәмендә унификацияләнгән бәяләүне узды.

1,4 млрд сумлык финанслау белән булган җиңуне 217 инициатива яулады (154-е оешмалар һәм 63 - шәхесләр тарафыннан бирелде). Читтән финанслау проектларның гомуми суммасының 58 %ын тәшкил итәчәк.

Яңа проектлар исемлегеннән Әлмәттәге «Нефтьче» мәдәният йорты фәнни-техник китапханәсенең «БиблиоНефть» заманча креатив киңлегенә әверелүен билгеләп үтәбез. Китап саклау урыннарыннан тыш, биредә балалар өчен уен зонасы булган кафе, проект офисы, лекторий залы һәм буккроссинг эшли башлаячак.

2023 елда Тольяттида җирле 26 нчы номерлы мәктәп базасында халыкның аз мобильле төркемнәре өчен спорт һәм ял итүгә каралган инклюзив парк төзеләчәк, дип хәбәр итә «Нефтяные вести». Шулай ук көньяк-көнчыгышның берничә мәктәбе дә ярдәм алды. Мәсәлән, Лениногорск шәһәренең 8 нче  номерлы мәктәбендә капремонт ясалачак. Моннан тыш, Татарстан нефтенең туган ягында «Надежда» («Өмет») психологик үзәге барлыкка киләчәк. 

Бөгелмәдә Компаниянең «Мәдәни мохит» проектының үзәк нокталарының берсе - Мәдәният һәм ял паркы - үзгәрәчәк. Грант акчалары заманча җиһазлар һәм инвентарь белән җиһазландыруга тотылачак. Бу мәдәни-массакүләм чараларга тагын да креатив һәм заманча булырга ярдәм итәчәк.

Моннан тыш, «Татнефть» Алабуга шәһәрендә Шәһәр тарихы музеен һәм «Трактир» музей-театрын ремонтларга ярдәм итәчәк. Биредә инде тиздән музей кыйммәтләрен саклау белән бәйле барлык проблемалар хәл ителәчәк, ә архитектура һәйкәлләренең тышкы кыяфәте эллеке хәленә кайтарылачак. 1000 еллык шәһәрдә Компания ярдәмендә туристлар агымы елына 40 мең кешедән 50 меңгә кадәр артыр, дип өметләнәләр.

Фотолар almetievsk-ru сайтыннан һәм Алабуга тарих-архитектура музей-тыюлыгы архивыннан алынган.

«Нефтяные вести», №51, 21.12.2022