Футбол командасы уңышлары

Зурлар командасында  16 дан 30 га чаклы һәм өлкәнрәк яшьтәге 15 футболчы уйный – 11 есе төп һәм 5 запастагы. Команданың тренеры һәм үзе дә шунда уйнаучы – Архангел мәктәбе физкультура укытучысы Дмитрий Подопрелов, капкачы -  БЯСМ яшь футболчылары остазы Артур Холин.
- Зурлар командасы республика футбол турнирларында үзен яхшы яктан күрсәтте, - дип сөйләде Артур Холин. - Ул ТР буенча яхшылар унлыгына керә. 2017 елның ноябрендә авыл районнары арасында “Сәламәтлек“ Спартакиадасында 10 футбол командасы арасында без 5 урын алдык. Агымдагы елның февралендә Болгарда ТР Кубогы финалында республика шәһәр һәм районнарыннан килгән 16 команда арасында 7 урында булдык. 28-30 апрельдә Аксубайда команда мини-футбол  буенча ТР Беренчелеге финалында уйнады һәм 10 команда арасында 4  урынга лаек булды.
Хәзер без мини-футбол буенча “Сәламәтлек“ Спартакиадасының сайлап алу  туры матчларына әзерләнәбез,  ул 1-3 июньдә Минзәләдә узачак. Кабат көзен узачак Спартакиада финалына чыгарга өметләнәбез.