Яңа Чишмәнең яшь футболчылары мини-футбол буенча ТР Кубогы җиңүчеләре булганнар

2023 елның 23 апреленнән 26ына кадәр Кама Тамагында 2006-2007 елда туган егетләр арасында мини-футбол буенча ТР Кубогы узган.
«Яңа Чишмә футболчылары командасы Чирмешән, Кама Тамагы һәм Әгерҗе районнарыннан килгән егетләр белән очрашты.
Ярыш нәтиҗәләре буенча безнең егетләр 1 урынга ия булдылар!», -  дип хәбәр итте редакциягә спорт мәктәбе директоры урынбасары Наталья Панасенко.
Футболчылар командасын һәм аның тренеры Станислав Савельевны спорт мәктәбе коллективыннан котлауларга без, «Яңа Чишмә хәбәрләре» газетасы коллективы да кушылабыз.
Булдырасыз, егетләр! Шулай дәвам итегез!