Ярыш старт алды

Велосипед ярышын республикада үткәрелә торган “Ир-атлар сәламәтлеге атнасы“ кысаларында Яңа Чишмә РҮХ оештырган. Анда тугыз кеше катнашты – РҮХ дән, Акбүре ФАП, район башкарма комитеты, казначылык һәм район судыннан ир-егетләр. “Ир-атлар сәламәтлеге елы“ әләме белән, шул ук язуда бейсболка һәм майкадан спортчылар  Чирмешән ягына (50 км) юл алды, алар эстафетаны Чирмешән районына тапшыра.
Алар барысы да физик яктан нык, велосипед спорты белән шөгыльләнергә яраталар, районның башка ир-егетләренә  яхшы үрнәк күрсәтәләр. Чирмешәндә финишта каршы алынган ир-егетләрнең исемнәрен дә атап үтик әле: Рафис Вафин,  Равил Алукаев, Михаил Котов, Рафис Закиров,  Алексей Поляков, Линар Җәләлетдинов, Олег Зевакин, Марат Мурасов, Андрей Абрамов.