Көн темасы
өченче бишкөнлек алдынгылары билгеле
Район авыл хуҗалыгы идарәсендә язгы кыр эшләрендә механизаторларның хезмәт ярышы бишкөнлегенә (чираттагы) йомгак ясалды.
Уҗымнар һәм күпьеллык үләннәрне тукландыруда "Яңа Чишмә" а/ф-нан Дамир МИНАБЕТДИНОВ бишкөнлек алдынгысы дип танылды, ул МТЗ-1221 тракторында 5 көн эчендә 243 гектар (барлыгы 328 га) мәйданда тукландыру эшләре алып барган.
Туңга сөрелгән җирләрне, уҗымнарны һәм күпьеллык үлән басуларын тырмалауда "Кулон" а/ф-нан Исхак Нәҗипов алдынгы, ул "Нью-Холланд" тракторында 5 көн эчендә 625 га (барлыгы 875 га) җир тырмалаган.
Сабан культуралары чәчүдә "Яңа Чишмә" а/ф-нан Наил Шәрифуллин (5 көндә ул 213 га мәйданда чәчү чәчкән), "Кулон" а/ф-нан Геннадий Кочетов (413 га) һәм "Скоков Н.А." КФХ-нан Сергей Ушаков (5 көндә 287 га) беренче.
Җиңүчеләрнең һәммәсенә кызыл әләмнәр һәм акчалата премияләр тапшырылды.
Туңга сөрелгән җирләрне культивацияләүдә "Козлова М.И." КФХ-нан Евгений Бакалов бишкөнлек алдынгысы булды (5 көндә 320 га җир эшкәрткән).
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев