Мошенниклар Яңа Чишмәдә яшәүче хатын-кызның 1,6 млн сум акчасын урлаганнар

Мошенниклык

2024 елның 9-10 июлендә билгесез шәхес, билгесез урында була торып, гр. И. белән телефоннан сөйләшкән вакытта аны үз исеменә 1 млн 666 мең сумлык кредит рәсмиләштерергә күндергән. Аннан соң, җинаятьчел гамәлләрен дәвам итеп, әлеге акчаларны урлаган.

Сәламәтлеккә зыян китерү

12 июльдә төнге сәгать 1дә исерек гр. М. гр. Ф.-ны кыйнаган. Гр. Ф. ватылган тәлинкә кыйпылчыкларына егылган һәм тән җәрәхәтләре алган.

Руль артында исерек

Атна эчендә 36 машина йөртүче ЮХКен бозган өчен адм.җаваплылыкка тартылган. Шул исәптән Алексеевск районында яшәүче берәү – а/м белән исерек хәлдә идарә иткән өчен. Аңа 30 мең сум күләмендә штраф һәм ел ярымга машина йөртү хокукыннан мәхрүм итү яный.